"Os Teus Ollos" -Any Adrover-Argentina

Rosario

E aquí vemos exemplo de que Curros non soamente é coñecido en Galicia. A continuación veredes a Rosario, unha arxentina interpretando "Os teus ollos"

"Os teus ollos" - Aires da miña terra

Ten a serena o canto. Manuel Curros Enríquez

Ten a serena o canto

i a serpe o alento;

o lago ten a onda,

Dios ten o inferno.

Ti tes de abondo

co que tes escondido

neses teus ollos.

O trono dos monarcas,

do sabio os trunfos,

a groria do poeta,

o ouro do mundo:

Dera eso todo

por sólo unha mirada

deses teus ollos.

Buscan os pitorreises

pra faguer niño, 

a herba santa que nace

veira dos ríos.

Eu busco sólo

unha mirada meiga

deses teus ollos.

Cando se pon a lúa

tras dos penedos,

choran as estreliñas

todas do ceo.

Tamén eu choro

cando non me alumean

eses teus ollos.